三點水
高纖本地粟米
洋蔥濃湯 (奶素) 400g

粟米是由內到外都有用嘅植物，爽甜嘅粟米粒有豐富膳食纖維和蛋白質，粟米鬚和粟米芯，有助排出體內多餘濕氣。

農夫話：「打理一根有機粟米，要同蟲蟲鬥快，唔用藥就要每日都落田檢查，逐條夾返佢哋出來。如果一次過種一千幾百枝粟米，你諗下每日要花幾多時間去照顧佢地。」

收到這些得來不易嘅有機粟米，我們先用手工剝去粟米葉和粟米鬚，這些葉和鬚並不會浪費，我們會滾成濃濃嘅粟米水做湯頭，再炒香有機粟米粒加入粟米水中煲滾攪拌，加入洋蔥、甘筍提升味道層次，眼前一碗粟米湯，就要用上兩根有機粟米去製作，天然的土黃色，因為農夫提醒我們，記得把滿載營養的粟米鬚也放在湯內一起攪拌。

早前的颱風，令農夫收成計劃有變，預期會長得亭亭玉立的粟米，最終變成了可愛的一口粟米，但我們不會讓粟米白來一趟，我們已加工好，準備好要推出第一回粟米湯🌽，首批限量30包，你們願意和我們一起試試嗎？

加熱方法：
・【推薦】先將湯包放置在0-4度雪櫃中解凍24小時。食用前，煲滾水，將銀色鋁箔袋放入熱水內滾10分鐘 (電磁爐)／5分鐘 (明火)。
・ 如未解凍，將銀色鋁箔袋放入熱水內滾20分鐘 (電磁爐)／15分鐘 (明火)。